İTTİHAD-I İSLAM - اتحاد اسلام

  "İstiklal-i Tamm"cılık zihniyyeti, yaşadığımız devrin bir enaniyyet ve ğurur devri olması hasebiyle iyiden iyide umumileşmişdir. Tabii bu, kuvva-yı askeriyye ve düveliyye ve maddiyye cihetiyle zayıf olan millet ve ferdlere de bulaşıyor. Fakat zayıf ve acizlerde bu zihniyyetin tezahürünün, ekseriya ve belki her zaman, verdiği netice kuvvet ve miknet sahibi kimselerin tağallüb ve zulmlerini teşdid etmeleridir. Uzaktan "Ya İstiklal, Ya Ölüm!" naraları atmak, hamiyyet-furuşane yazılar yazıp kendinin ne kadar cesur ve gayyur bir kimse olduğunu izhara çalışmak asrımızda gayet umumidir. Tabii samimi olanları tenzih ederim. Bu zamanda hakikaten, her dürlü imkansızlık ve mahrumiyyetlere rağmen, ne olursa olsun, öleceğini ve mağlub olacağını kat'i bilerek, halis bir niyetle mücadeleye atılan kimseler de yok değildir. Ameller niyyetlere göredir. Ne diyelim?     Amma müslümanların bu sefalet ve mezelletden kurtulmalarını samimane arzu eden müslümanların, böyle yalnız hiss...

Sebilür'reşad, Aded 431-432, 1337 Şevval 25   Şeyhülislam Efendi Hazretlerinin ahiren intişar iden (Yeni İslam Müctehidlerinin Kıymet-i İlmiyyesi) ünvanlı eser-i fazılanelerinin hatimesidir:   Son zamanlarda, alel'umum müslimanların maddiyyatını zebun iden Avrupa terakkiyat-ı medeniyyesi bir çok mütefekkirinimizin ma'neviyyatında da tahribat icra itmiş olduğı içün, münazırım da fikrindeki hürriyyete ve zatındaki uluvv-i himmete rağmen bu maraz-ı sarinin te'sirinden azade kalamamışdır. Ya'ni Avrupa'nın terakkiyyat-ı hazırası o derece gözüni doldurmuş ki nev'an-ma kudret ve azamet-i İlahiyye'yi unutdırmış, kavi ve müterakki gördüği Avrupalıları bizim ile ölçmekden hatırında kalan hiss-i i'zam, kudret-i ilahiyye ile ölçerken de muhakemesi üzerinde hakim olmakdan hali kalmamışdır. Bu halin te'siri, münazırımın üçüncü da'vasına kadar kendisini gösteriyor. Öyle ya, dimiş: "Her yerde sefil ve düşkün bir halde bulunan müslimanların dini hakk ols...

 Beyanü'l Hakk Gazetesi, Aded 2, 29 Eylül 1324 Rumi Huzur-ı Hümayun Dersleri   Ramazan-ı şeriflerde selatin-i Osmaniyye huzurunda tilavet idilmekde bulunan tefsir-i şerif derslerinin ibtida-ı vaz' ü te'sisi, bin yüz yetmiş iki senesine müsadif olmak üzere Cennetmekan Sultan Mustafa Han-ı Salis asrında vaki'dir.   Bu derslerde Beyzavi tefsirinin esas ittihaz idilegelmekde oldığı ve yakın zamanlara kadar derslerin pek amik tedkikat ve münazarat ile ve binaenaleyh pek ağır bir mişyet ve hareketle devam itmiş oldığı tarihlerden anlaşılıyor. Cevdet tarihinde bin ikiyüz sekiz senesinde okunan bir huzur dersi, mukarririyle, muhatablariyle, ebhas-ı hariciyyesiyle şayan-ı kayd görülmüşdür ki o dersin mevzu'ı: (ام كنتم شهداء اذحضر یعقب الموت) ayet-i celilesi oldığına nazaran otuz altı senede Kur'an-ı Kerim'den birinci cüz'ün ancak nihayetlerine doğrı gelinebilmiş dimekdir.   Fakat son zamanlarda tedrisata büyücek mikyasda bir sür'at virilmişdir. On sekiz sene ...

İ'tisam Mecmuası, Aded 4, 19 Kanun Evvel 1334 Rumi    Cemaat Teşkilatı   Harb-i Umumi, arazi-i milelde bir takım coğrafi inkılabat husule getirdiği gibi devletlerin bünye-i teşkilatında da siyasi ve idari tahavvülat tevlid iden bir mader-i hadisat mevki'ini ihraz eyledi. Kıtaat-ı hamsin her tarafında sakin bulunan milletler, mensub oldukları devletlerin şekl-i siyasi ve idarilerini ta'yin sahasında maddi ve nari harb-i umuminin yerine ma'nevi ve fikri bir mücadele-i umumiyye ikame itdiler. Memleketimizde naire-i harbi - bila lüzum - ikad iden rical-i siyasiyyemiz gibi rical-i fikriyyemiz de pek muzırr bir fitne-i fikriyye uyandıracak münakaşat-ı kalemiyyeye kapu açdılar. Dahil ve haricin emn ü i'timadını kazanmak içün memleketde bir idare-i adile vücuda getirmek nelere mütevakkıf ise onların tahrir ve taharrisiyle iştiğal olunacak yerde dinin devletden tefriki ve cemaat-i İslamiyye teşkilatı mes'elesini - böyle bila lüzum - ortaya atmak, harb-i umumiye karışmakd...

   Asırlardan beri mütevali mağlubiyyetlere ma'ruz kalan Devlet-i Osmaniyye'nin her def'a-i felaketi harb ü darb aleyhinde bir ders-i intihab olacak yerde, kendinden evvelki vaz'iyyete ilave itdiği musibetlerin elem-i tahammülgüdazıyla harb ü vega tarafdarları içün yeni bir hüccet-i tehyic makamına kaim olmuşdur. Filhakika, mağlubiyyetimizle neticelenen bu muharebelerin ekserisinde bizim teşebbüsümüz amil olmamak ve mukabil tarafdan vuku' bulan bir ağır teklif bizi harbe mecbur itmiş olmakla beraber mukadderatımızı işte bu mecburiyyetlere tevdi' iderken, kar ve zarar hesabına müstenid ma'kul ve mantıki fikirlerden ziyade herçibad abad hissiyatı hakim olarak, bir millet içün muvaffakiyyetle başa çıkarılamayacak muharebelerden ictinab itmenin kıymeti hakkıyle takdir olunamamış, takdir idenler de hain ittihamları tehdidi altında ezilmiş gitmişler. Son zamanlarımızın basiret ve raviyyetine sahib bir diplomatı bulunan Kamil Paşa merhum bile, vaktiyle - İttihad ve...

  İstesek de, istemesek de Frenklerin takvimine göre 2025 tarihinde, berhayat ve Türkiye Cumhuriyyet'i Devletinin ehalisinden olan müslimanlar içün şu hakikat gayr-ı kabil-i ictinabdır: "Osmanlı Devleti'nin inhitatının ardından enkazı üzerine teessüs etmiş olan devletin en mühimm esaslarından biri ladini ya'ni laik ya'ni dinden kopuk olmasıdır." Şu vaz'iyyetde hala Din-i Celil-i İslam'ın esaslarını ve umdelerini müdrik bir müsliman içün idari ve siyasi mesail hakkında "hayr" (خیر) gibi bir vasıflandırma yapmak mümkin değildir. Çünki bir iş mücerred Bari Teala'nın Din-i Mübini'ne göre hayr ise hayrdır.      Din-i Mübin-i İslam'a mugayır düşmeyen, kendi milli örf, adet ve ananelerine karşı hamiyyeti ve sahabeti ne kadar fazla olursa olsun, müsliman bir Türk'ün de bu hakikatı tav'an yahud kerhen kabul etmesi mecburidir. Türk kavmi başkadır. Muayyen bir tarihde, muayyen umdeler üzerine teessüs etmiş bir devlet başkadır.   O ha...

  Bundan evvelki makalemizde Kanun-ı Esasi'mizin bize bahş itdiği hürriyyetin kavanin-i mevzua, kavaid-i mezhebiyye, adat-ı milliyyemiz ile mukayyed olması lazım geleceğini icmalen göstermiş idik. Şimdi bu kuyud-ı selasenin fevaidini bir az daha izah itmek isteyoruz.   Evet, insan hürr olmağla beraber bulunduğı memleketin kavanin-i mevzuası ahkamına ittiba'a mecburdur. Ve bu ittiba' levazım-ı insaniyye ve zarurat-ı medeniyyedendir. Zira madem ki insan medeni bi'ttab' olub bir hey'et-i ictimaiyye ile yaşamak mecburiyyetindedir. Şu halde hey'et-i ictimaiyyeyi teşekkül iden her ferdin daima o hey'ete aid menafi'-i umumiyyeye hadim olması, hatta kendi menafi'-i şahsiyyesini bile o menafi'-i umumiyye zımnında gözetmesi ve bu hey'et-i ictimaiyyenin menafiine müteallik her teklife inkıyad eylemesi ve her fiil ve kavlinde ve bütün etvar ve harekatında menafi'-i umumiyyeyi ihlalden son derece tevakki itmesi ve led'el icab kendi menfaat-i ş...

  Usul-i meşveret şer'an me'murün bih olduğu gibi İslamiyyet'in hayr'ül kurun olmak şerefiyle mümtaz olan feyzli devirlerinde mesail-i mu'dilenin halli içün daima tevessül olunur bir habl-i metin-i i'tisam idi.   Şeriat-ı Garra bu kaide-i celileyi öyle bir mertebe-i kemale is'ad itmişdir ki lafz-ı güzin-i İslamiyyet bitarik'ül iltizam usul-i meşverete delalet eylediği gibi hilafet-i İslamiyye şekl-i meşrutiyyetin en parlak misalini irae eylemekdedir.   Şer'an ve tarihen sabit olan şu hakaik bu gün usul-i meşveretin meşru'iyyetini isbat hususunda delil ve bürhan ikamesine lüzum bırakmamışdır. Celi ve vazıh olan bu hakikatleri kimse inkar idemez ki müddeisine isbat külfeti teveccüh itmiş olsun.   Ulemamızın isbat-ı meşruiyyet yolundaki beyanatı (zikr) emr-i celiline imtisalen mücerred tezkirden ibaretdir. İşte bu ğaraza binaen efazıl-ı ümmet canibinden gazetelere birçok makaleler ithaf olunduğı gibi ayruca risaleler neşr ve mev'ızeler irad idil...

  Muktebisin Notu: Bu muktetafı fevkalade ehemmiyyetine binaen iktibas etmek istedim. Ferasetli müslümanların teslim ettiği üzere; bugün müslümanlara taarruz siyaset canibinden pek gelmemektedir. Ehl dalalet, siyaset ve hükumet tarikiyle taarruz etmenin, müslümanları yalnızca zinde tuttuğunu fark etmiş ve artık sinsi ictimai ve harsi (kültürel) yollarla onlara hücum etmeğe başlamıştır. Müslümanların birbirleri arasındaki münasebeti zayıflatıp kendi cem'iyyet ve adetlerinin içinde onları eritip kendilerine benzetme usulünü hararetle ta'kib ve tervic etmektedirler. Bunlara karşı lazım gelen tedbirlere bugün hiç olmadığı kadar ihtiyacımız vardır. Ya'ni bu derlemeyi su gibi, ekmek gibi ihtiyac görmek lazım gelir. Haricen, bu derlemeyi hazırlamış olan Risalei Nur şakirdanından da Allah Teala ebeden razı olsun ve seadet dareyn nasib eylesin. Amin. بِسْمِ اللّٰهِ الرَّحْمٰنِ الرَّحِيمِ وَ بِهِ نَسْتَعِينُ اَلْحَمْدُ لِلّٰهِ رَبِّ الْعَالَمِينَ وَ الصَّلاَةُ وَ السَّلاَمُ عَلَى سَي...

  (Sebilürreşad, Aded 634, Sahife 157 - Efrenci 15 Ocak 1925)   Bolşevik Umdelerinden: İslam Hurufu Yerine Latin Hurufatı      Türkistan ahvali hakkında Aşkabad'dan Yeni Kafkasya gazetesine yazılan bir mektupta deniliyorki: "Bolşevikler Hilal'e karşı dekaret neşrettikleri zaman ortaya Latin hurafatı mes'elesini çıkardılar, Arap hurufatına yavaş yavaş hücuma başladılar. Bu mes'elede Bolşevikler bir şeytanlık yapıyorlar. İslam ve Türk düşmanı olan birkaç herif Rus Bolşevikleri (Biraydo gibi) Arap hurufatını himaye ederek meydana çıkıyor. Bir kısım Ruslar ilim ve fen terakkisi namına Latin hurufatı takdim ederek "Fenni deliller gösteriyorlar!" Siyasi idare ise müslüman komünistlere Arap hurufatına karşı ciddi bir hücum ve muharebe açmayı, Arap hurufatı taraftarlarını aks-i inkılabcı göstermeyi, Çeka ile tedhiş etmeyi kat'i surette emr eder. Guya Arap hurufatına karşı hareketi, Ruslar tarafından değil, müslümanların kendileri tarafından olarak göstermeye ...

  (4 Recebüş'şerif 1328, 11 Temmuz Efrenci 1910)      "Sırat-ı Müstakim" refikimizin 94 numerolu nüshasında görülen bir makale ehemmiyyet-i mündericatına mebni mulahhasen berverc-i ati derc olunur:   Avrupa'da Talebemiz İstanbul'da Tesettür - İşret-i Aleniyye      Talebemiz içinde hüsn-i ahlak ile temeyyüz itmiş ve memleketi hakkında hüsn-i niyyet perverde eylemekde bulunmuş olan zevat-ı muhteremenin vücudunu işitmek erbab-ı sadakatin kalbine bir feyz-i işrah bahş eylemekdedir. Fakat tehalüf-i tebayi' hasebiyle içlerinde ba'zılarının kendilerini hüsn-i idare idemiyerek ma'etteessüf adab-ı şer'iyye ve ahlak-ı milliyyemize münafi harekata cür'et eylediklerini, ezcümle bulundukları mahallerde şapka ile resm aldırarak bu tarafa göndermekde olduklarını işidiyoruz. Bu da memleketin terakki ve tealisini düşünenlerce, talebemizin tahsillerinden istifade ümid idenlerce elem-i azimi mucib oluyor. Şu hal-i esef-iştimal vaki' ise hükumetin balada beyan...