İTTİHAD-I İSLAM - اتحاد اسلام

  Efdal-i kesb ticaret ve ziraat ve sanaatde bununla beraber şer'an haram ve memnu' olan şeylerden ma'da hiç bir iş meayibden değildir. Fakat ba'zısı ba'zısından efdaldir. Mesela ticaret ve ziraat ve sanaat ile çulhalık, hammallık, devecilik müsavi değildir. "Sanaat ve ziraat ve ticaret gibi esbab-ı maişete tevessül ile ihtiyar-ı tekellüf iden kulunu Allah Azimüş'şan sever. Andan razı olur." mealini mutazammın olan "انالله یحب العید المؤمنن المحترف" hadis-i şerifi Ömer radiyallahu anhümadan mervidir. Müşarün ileyh işbu hadis-i şerifi rivayet itdikden sonra "Sizlerden biriniz esbab-ı maişete tevessül itmeyerek hanesinde oturup "Ya Rabb beni merzuk eyle" duasıyla meşgul olmasun. Bilirsiniz ki Cenab-ı Hakk semadan sim ü zer yağdırmaz." dimişdir. Ya'ni Cenab-ı Perverdigar alem-i asumandan sim u zer yağdırmağa kadir iken yağdırmaması matluba vüsul içün esbabına teşebbüs olunması hikmetine mübtenidir. Nasıl ki asumandan bara...

    Allah Teala Hazretleri mahlukat içinde insanı hüsn-i suretle halk ve akl ile mümtaz buyurup Hitab-ı Uluhiyyet'ine tahsis buyurduğunun hikmeti sorulamaz. Zira muhtac, muhtacun ileyhe her şeyi soramaz. Her şey'in muhtacun ileyhi olmak da hakikaten Cenab-ı Hakk'a mahsusdur.   Binaenaleyh mukaddes ve ğayr-ı mes'ul olmak ancak Vacibül'Vücud olan Allah Teala'ya münhasırdır.   İnsanlar ise bay, geda cümlesi mes'uldür. Eğer insanlar bundan evvel olduğı gibi yine kendilerinde (la yüs'el)lik tasavvuruyla zir-i destanına karşı icra ideceği ahkamda Şeriat-ı Muhammediyye'de beyan buyurulduğu vechile Adalet-i Kanun-ı İlahiyye'yi ta'kib itmeyüp de indi kanun ile hükm iderek terakki itmek da'vasında bulunırlarsa Allah Zül'Celal'e karşı azametfüruşluk ile teşkil-i muhalefet itmiş olurlar. Hakim-i Mutlak olan Cenab-ı Ahkem el'Hakimin ise insanların bu fırka-i muhalifesini (العظمة ازاری و الكبریاء ردائی فمن شاركنی فی واحد منهما قصمته) hadis-...

    Şeriat-ı Ğarra-yı Muhammediyye, hılkaten zaif, hayvanat-ı saire gibi müstakillen ihtiyacatını tedarik ve tesviyeye ğayr-ı muktedir, her halde yekdiğerinin muavenetine müftekir bulunan insan içün havayic-i zaruriyyesini te'min hususunda her dürlü teşebbüsat-ı meşru'ada bulunmasını, mezraa-i ahiret olan bu dar-ı sa'y u teklifde - netice-i verziş ü amel olarak - ancak ihraz idebildiği mesubat mikdarınca nail-i niam-ı ebediyye olacağını emr u beyan buyurmuşdur.   Binaberin lazıme-i maişeti istihsal içün insan esbab-ı maişete delalet idecek akl u idrak ile erzak-ı mukadderesini taleb itmek bir emr tabi'i ve şer'idir. Amma erzak-ı mukadderesini tahsil hususunda bir hayli meşakk u müşkilata tesadüf idecekmiş ne be'is var. علی المرأ ان یسعی لما فیه نفعه ولیس علیه ان یساعده الدهر   Yahud nasibe-i akl u idrakinin kuvvet ü kemaline rağmen bir hisse-i cüz'iyye elde idebilmiş; bundan tahsil-i maişet hiss ü i'tikadına ne zarar; Halık'a karşı su'-i zann bes...

  قال الله تعالی عز و جل "و اعتصمو ابحبل الله جمیعاً ولا تفرقوا"   Madem ki milletin hakk-ı ictimaı iade idildi.   Madem ki hükumet, harekat-ı keyfiyye ve muamelat-ı müstebidesine nihayet virerek milletin efkar-ı ma'kule ve meşru'ası muhassalasının cihet-i istikametini ta'kibe başladı.    Madem ki usul-i meşveret her işimizde üss'ül esas ittihaz kılındı.   Madem ki herkesin, mevki-i ictimaiyyesi nisbetinde mes'ul ve muateb tutulacağı takarrür itdi. Bütün efrad-ı millet içün bir çok vazifeler hasıl oldu.   Bu vezaifden biri ve belki birincisi, meşrutiyyet-i meşru'amızın esasını tahkim u tersin itmek idi; bu vazife heman heman ifa idildi. Taht-ı emniyyetimizde bir hükumet-i meşruta teessüs itdi. Bize bu seadeti bahşa sebeb olan cem'iyyet, bu meşrutiyyet-i meşru'amıza te'sir ve ika-ı zarar idebilecek elleri kırmak hususunda efkar-ı ümmetin, kulub-ı milletin pişvalığı vazifesini deruhde itdi. Cenab-ı Hakk'dan ise ümidimiz berkemaldir. Çünki...

  Sonra kadın ile erkek arasında müsavat yokdur. Kadın yalnız cazibe-i nisvaniyyesiyle erkek üzerinde nafiz olabilir. Diğer cihetden bütün kuvve-i maddiyye ve ma'neviyye i'tibarıyla erkeğin madunundadır. Kadınların her devirde zib ü ziynete inhimakından da anlaşılır ki onlar ne kadar muhterem de olsalar, eşya-yı nefise gibi başkalarına aid bir mevcudiyyet-i tebeiyyeyi haizdirler. Şahsan güzel görünmek arzusunu hiç bir şeye feda idemeyen kadınlar, kendilerini, nisbetle kavi ve galib mevki'inde bulunan erkek cinsinin ve cins-i rical arasında da galibiyyetle temayüz idenlerin hakk-ı imtiyaz ve mükafatı gibi telakki itmekden fıtraten hali kalamazlar.   Ba'zı memleketlerde görülen cereyanlara tevfikan erkeklerin himayesi altında te'min olunan kadın hukuku, ya'ni erkeklerin virmesi ile hasıl olan sun'i müsavatlar, kuvva-i maddiyye ve ma'neviyyece iki cins arasındaki fıtri tefavütü izale idemez.   Kadınların bu asr-ı terakkide erkeklerle boy ölçmek içün iskarpi...

  Hukuk-ı Umumiyye Ve Şahsiyyenin Cihet-i Şer'iyyece Ta'biri - Habs - Ve Ba'zı Mevadd-ı Kanuniyyenin Şer' ile Mukayesesi - ---   Bir gün Safvan bin Umeyye hazretleri mescid-i Nebevi'de naim bulundukları sırada arkasında bulunan ridasını birisi sirkat itmekle derdest idilerek huzur-ı Risaletmeab'a getirilüb cereyan iden muhakeme neticesinde cürm-i müddeaya sübut bulmağla sarikin yedinin kat'ına hükm-i Nebevi lahik olunca Safvan bin Umeyye "Ya Rasulallah! Benim cübbem içün mü eli kat' olunacak? Ana hibe itdim." dimesi üzerine muhterem Efendimiz "فهلا قبل ان تأتینی" ya'ni "Bana gelmezden evvel afv ideydin a!" buyurarak hükm-i Nebevi tenfiz idilmişdir.   Ma'lumdur ki, cihet-i cezaiyyede bir cürmün vuku'ı takdirinde hukuk-ı umumiyye ve şahsiyye olmak üzere iki hakk tevellüd ider.   Hukuk-ı şahsiyyeye müteallik iddialar mutazarrır olan eşhasa aid olub fakat hukuk-ı umumiyyeden bütün hey'et-i ictimaiyye efradının mu...

(Muhavvilin Notu: Lisan Arabi'ye ıttıla'ım olmadığından ba'zı ta'birat Arabiyyeyi Latin harflerine hatalı tahvil etmiş olmam muhtemeldir. Kariin kiramdan ma'zur görmelerini rica ederim.)      Atıf Efendi Kütüphanesi Neşriyatından Aded 3 Frenk Mukallidliği ve Şapka Muharriri: Fatih Dersamlarından İskilipli Muhammed Atıf Satış Mahalli: Bayezidde Hakkaklarda 47 numerolu dükkan İstanbul – Matbaai Kadr 1340 Frenk Mukallidliği ve Şapka   بسم الله الرحمن الرحیم  الحمد الله الذی اباح لعباده الزینة واحب ان یری العیهم آٓثار النعمة والصلوة والسلام علی سیدنا محمدالذی نهی امته عن التشبه بالملل الغیر الاسلامیة و علی آله و اصحابه الذین اجتنبوا عن تقلید الفسقة و الفجرة Taklid   Mukallid: Taklid iden dimektir.  Taklid: Hüsn zann idüp muhikk olduğunu i'tikad itmek sebebiyle bir kimseye i'tikadda, kavilde, fiilde, suret ve siretde bila delilin ittiba ve iktida eylemek ve ana benzemek dimektir.   Şer' şerif nazarında alelıtlak taklid caiz değildir. Ezcümle mücerred n...