Aheng-i Milli

Her kimde ki var daiyye-i fikr-i hakikat

Ma'bud-ı hakikiye ider hasr-ı ibadat

Lutfiyle getirdi bizi sahra-yı ademden

Halk eyledi, virdi bize bir ahsen-i suret 

Bildirmek içün kendini gösterdi delail

Fehm eylemek üzre beşere virdi dirayet

Mer'i bulunan tarz-ı bedi'iyle avalim

Alemde onun varlığına eyler işaret

Her zerre birer şahid-i adildir ider hep

Hallak-ı cihan olduğuna hüsn-i şehadet

Kim olmuş ise mazhar-ı en'am-ı İlahi

Bir sani'in icadına kail olur elbet

Ma'dum iken ihsan iderek feyz-i vücudı

Bahş eyledi nev'-i beşere akl ü keramet

Bir nev'ini zikr iyleseniz ni'met-i Hakk'ın

Diger birisi itmededir arz-ı hüviyyet

Kabil mi kişi şükrini Hakk'ın ide ifa

Kim bir nefes almakda bulunmuş iki ni'met

İrsal-ı rüsul ni'met-i mahsusa-yı Hakk'dır

Doğru yola itmeklik içün halkı hidayet

Tebliğ ile ahkam-ı ilahiyyeyi anlar

Bildirdi ki insanlara var duzah u cennet

Başdan başa hep mahasal-ı hikmet-i Kur'an

İnsanlar içün başlıca esbab-ı saadet

Emr (واَعدُّوا) ya itaat iden akvam

Her ma'rekede mutlak olur nail-i nusret

Daim sebeb-i nusret olur müttefik olmak

Mashub-ı Yedullah'dır eydi-i cemaat

Allah Teala ki bizim nasırımızdır

Her dem ideriz nusretine arz-ı dehalet

 

Fatih Dersamlarından Dağıstanlı
 

Ali Nazmi

(Beyanül'hakk, 13 Teşrin-i evvel 1324, 26 Ekim 1908)


Rağbet Görmüş Makaleler

Makam-ı Hilafet ve Ankara Meclisi

  Alemdar Gazetesi, 10 Şubat 1921     **Makam-ı Hilafet ve Ankara Meclisi**     İ'tizar: Şeyhül'islam-ı sabık Mustafa Sabri Efendi hazretlerinin makaleleri miadından biraz sonra vürud eylediği cihetle gazetemize derci te'hire uğramışdı. Maal'i'tizar bugün derc idiyoruz.   Anadoluda kaldırılan liva-i isyan, Livaullahül'hamd sıfatını takınmak iddiasına kadar i'sal-i cür'et itdi:   Asırlardan beri Türklere ve bil'cümle Müslümanlara teveccühgah olan makam-ı hilafet ve saltanatı parçalamak isteyen ve aslı, nesli gibi, mezhebi, meşrebi belli olmayan bir sergerde Ankara'da kurduğu ve i'dam sehpalarıyla desteklediği ve o sehpalardan akıdılan dima-i müslimin ile yaldızladığı hayme-i şekavetinden sesini yükselterek ve dumanlı günü seven bir kurt ihtirasıyla Devlet-i Osmaniyye'nin eyyam-ı felaketinden istifade sevdasına düşerek, bil'irs vel'istihkak hala İstanbul'da calis-i serir-i saltanat ve imamet olan Sultan Osman Oğlu'nun makamı...
Devamını Oku »

Türkiye Tebaası Müslümanların Ehven'üş Şer Düsturunu Terk Etmemeleri Bugün Elzemdir

  İstesek de, istemesek de Frenklerin takvimine göre 2025 tarihinde, berhayat ve Türkiye Cumhuriyyet'i Devletinin ehalisinden olan müslümanlar içün şu hakikat gayr kabil ictinabdır: "Osmanlı Devleti'nin inhitatının ardından enkazı üzerine teessüs etmiş olan devletin en mühim esaslarından biri ladini ya'ni laik ya'ni dinden kopuk olmasıdır." Şu vaz'iyyetde hala Din Celil İslam'ın esaslarını ve umdelerini müdrik bir müslüman içün idari ve siyasi mesail hakkında "hayr" (خیر) gibi bir vasıflandırma yapmak mümkin değildir. Çünki bir iş mücerred Bari Teala'nın Din Mübini'ne göre hayr ise hayrdır.    Ne kadar, Din Mübin İslam'a mugayır düşmeyen, kendi milli örf, adet ve ananelerine karşı bir hamiyyeti ve sahabeti olsa da müslüman bir Türk'ün de bu hakikatı tav'an yahud kerhen kabul etmesi lazım gelir. Türk kavmi başkadır. Muayyen bir tarihde, muayyen umdeler üzerine teessüs etmiş bir devlet başkadır.   O halde bizim siyasi ve düv...
Devamını Oku »

"Dini Müceddidler" Kitab Nafi'sinden Bir Parça - 2

   Asırlardan beri mütevali mağlubiyyetlere ma'ruz kalan Devlet Osmaniyye'nin her def'ai felaketi harb ü darb aleyhinde bir ders intihab olacak yerde, kendinden evvelki vaz'iyyete ilave itdiği musibetlerin elem tahammülgüdazıyla harb ü vega tarafdarları içün yeni bir hüccet tehyic makamına kaim olmuşdur. Filhakika, mağlubiyyetimizle neticelenen bu muharebelerin ekserisinde bizim teşebbüsümüz amil olmamak ve mukabil tarafdan vuku' bulan bir ağır teklif bizi harbe mecbur itmiş olmakla beraber mukadderatımızı işte bu mecburiyyetlere tevdi' iderken, kar ve zarar hesabına müstenid ma'kul ve mantıki fikirlerden ziyade herçibad abad hissiyatı hakim olarak, bir millet içün muvaffakiyyetle başa çıkarılamayacak muharebelerden ictinab itmenin kıymeti hakkıyle takdir olunamamış, takdir idenler de hain ittihamlar tehdidi altında ezilmiş gitmişler. Son zamanlarımızın basiret ve raviyyetine sahib bir diplomatı bulunan Kamil Paşa merhum bile, vaktiyle - İttihad ve Terakki...
Devamını Oku »