İTTİHAD-I İSLAM - اتحاد اسلام

   Beyanül'hakk, 12 Nisan 1326, Aded 57   Meclis-i Meb'usan-ı Osmani'nin birinci devre-i ictimaiyyesi hitam buldukdan sonra ikinci ictima'a kadar devam idecek olan ta'til esnasında her meb'us, daire-i intihabiyyesini ziyaret iderek ictima'-ı ati müzakeratı içün ihtiyacat-ı memlekete aid sermaye-i bahs ve mekal peyda eylemek mu'tad olduğı cihetle biz de bu vazifeyi ifa eylemek ve hem de müslim ve ğayr müslim bütün müvekkillerimizle görüşmek arzusuyla buraya geldik. Meclisin geçen seneki ictima'ı ne kadar imtidad itdi ise o nisbetde kısalmış olan şu ta'til müddeti arz itdiğim vechile bizim içün söylemek zamanı olmayup belki sizi söyletmek ya'ni ihtiyacat-ı memleketi sizden anlayup dinlemek zemanı olduğı halde bu senelik vaktimizin darlığına mebni şu vazife-i istima'da vukuu tabii olan noksanı bir kaç kelimelik tasdi'atımla telafi itmek arzusunda bulunuyorum: bilirsünüz ki bir seneyi mütecaviz zemandan beri hürriyyet ve meşrutiyyet ve mü...

 Ma'lumdur ki geçen senenin Temmuz onundan beri Allah'ın inayeti ve mücahidinin ğayreti sayesinde hürriyyet ve meşrutiyyete nail olduk. Ondan evvel hür değil de esir miydik? Evet, o vakit biz hükumetin esiri idik, hükumet de yalnız nefsini düşünen, dünyayı ahireti düşünmeyen bir ademin esiri idi. Bizi adamlıkdan çıkaran bu bir adam, etrafına topladığı beş on hainin ilkaatını şer' ve kanundan aziz tutarak, en adi bir harem ağasının, en cahil bir hidmetkar parçasının veyahud en alçak bir menfaatperestin söziyle hükumeti, hükumet de bizi kullanırdı. Bu şahs-ı vahid günden güne mahv ve harab itdiği milletden her gün biraz daha fazla korkar ve milletden korkması artdıkca Allah'dan korkması azalırdı. Milleti bu suretle kendisine hasım bilen hükumet-i Hamidiyye, ehaliyi de birbirine düşürerek dünyayı Konya'yı anlamak içün gözleri açmağa meydan bulamaz bir halde kalmalarını te'mine çalışırdı. O devrin seyyiat-ı sariyyesinden olmak üzre hısm akraba, konu, komşu, hemşehr,...

 Beyanülhakk - 7 Eylül 1325 - Aded 43  Sermuharririmiz faziletlü Mustafa Sabri Efendi Hazretleri'nin bu kerre lieclüzziyare daire-i intihabiyyesi olan Tokad'a vüsulünde müstakbiline hitaben irad buyurdukları nutukdur:  Muhterem hemşehirlerim!  Vatanımızı son nefesinde kurtaran inayet-i ilahiyye ile erbab-ı hamiyyetin fedakarlıkları sayesinde Meclis-i Mebusan-ı Osmani açılmış ve hakk-ı acizanemizdeki hüsn-i zannınız bizi bu meclisde bulunacak olan millet vekilleri meyanına idhal itmişdir. Otuz üç seneden beri tahrib idilen bir mülkün yedi sekiz ay zarfında ne kadar ta'miri mümkün ise işte o daire-i imkanda çalışan meclisimiz bu senelik vazifesini ikmal itdikden sonra bizi teveccühat-ı ğıyabiyyesine layık gören hemşehirlerimizle gelüp görüşmek arzusu kalbimizde hasıl oldu. Bilhassa bendenizin ahval-i sıhhiyyem meşakk-ı seferiyyeye mütehammil olmadığı halde varid-i hatır olan o gibi mevani', sevgili memleketimi şu vesile-i fahire ile görmek iştiyakını yenemedi. Elhamdül...

 Şer'-i Şerif'de (Emr bil'ma'ruf ve nehy anil'münker) namıyla bir kaziyye-i mu'tena-biha, bir vazife-i mukaddese vardır. Ma'ruf ne dimek olduğunu bilirsiniz: bütün iyiliklere şamil bir kelime! Münker de bil'cümle fenalıkları muhit bir ta'bir!  Bu, emr bil'ma'ruf ve nehy anil'münker vazifesinin büyük bir hissesi, hele hisse-i ibtidaiyyesi ulemanın uhdesine müterettibdir. Temmuz on birde makbere-i maziviyyete defn itdiğimiz devr-i istibdad, münker devri idi. Bu münkeri nehy ve ref' içün iktiza iden mesai-i ibtidaiyyede bulunmak ya'ni kuvve-i icraiyyeye rehberlik itmek vazifesi arz itdiğim vech ile ulemaya aid iken biz, vaktiyle vazifemizi maet'teessüf eda idemediğimiz halde bu vazife-i meşru'ayı şanlı askerlerimizle İttihad ve Terakki cem'iyyeti erkan-ı kiramı ifa itdi. Binaenaleyh bizim bu erbab-ı hamiyyete karşu teşekküratımız mahcubiyyetle memzucdur.  Ancak, devr-i sabıkda ilmiyye ve talebe-i ulum, jurnalciler içün en...